Yon lòt gwoup oswa founisè bay enfòmasyon yo nan pwochen paj la. Si w pa swete kite sit nou an, chwazi “X” ki nan pati dwat ki nan kwen ki anwo a pou fèmen mesaj sa a. Oswa chwazi “Kontinye” pou ale ann avan.
Chanjman Aetna Better Health® pote a
Ou merite resevwa swen w bezwen an, kèlkeswa difikilte w t ap apwofonte avèk sante w la. Ou kapab konte sou eksperyans nou ak pakèt avantaj nou yo pou bezwen sante alontèm ou yo. Ou pral benefisye tou pwòp ekip jesyon swen pa w. Y ap asire yo ke w resevwa atansyon pèsonèl ak sipò ou bezwen pou viv san tout sekirite lakay ou.
Avantaj MLTC yo pèmèt ou resevwa sèvis swen sante yo nan anviwònman lakay ou. Toudepannde bezwen yo, sèvis sa yo kapab gen ladan yo:
- Swen enfimyè
- Yon oksilyè sante adomisil
- Sèvis nitrisyonèl
- Sèvis travay sosyal
- Fizyo-terapi
- Terapi okipasyonèl
- Òtofoni
Pou w jwenn plis enfömasyon, rele Sèvis pou Manm yo nan 1-855-456-9126 (TTY: 711). Nou la pou ou 24 sou 24, 7 jou sou 7.
Y ap deziyen yon ekip jesyon swen pou ou pou yo kapab asire ke w resevea swen ki apwopriye a. Ekip ou a pral gen ladan l yon jesyonè swen, yon travayè sosyal ak yon asosye jesyon swen. Y ap konnen pwoblèm sante w yo epi y ap ede w avèk bezwen kotidyen w yo.
Avantaj ou yo ede w kontinye viv lakay ou, men w pa oblije pou kont ou. Pwogram gadri sosyal yo founi yon espas pou aktivite sosyal regilye yo avèk lòt adilt yo. Ou kapab resevwa tou swen sante, èd sou nitrisyon, ak plis toujou pandan w la.
Pou jwenn plis enfòmasyon, annik rele nou nan 1-855-456-9126 (TTY: 711).
Ou gen kouvèti pou nenpòt DME ki nesesè pou trete pwoblèm sante w la (yo). Sa gen ladan l aparèy ak lòt atik tankou:
- Pwotèz ak òtèz
- Founiti medikal tankou baton oswa aparèy pou ede moun mache
- Soulye òtopedik
- Batri pou aparèy oditif
- Founiti chirijik
Ou gen kouvèti pou egzamen woutin nan je, konsiltasyon pou swen dantè ak plis toujou. Asire w ke w konsilte dantis ou a ansanm ak founisè pou swen vizyon w lan regilyèman. Konsa a, li kapab detekte nenpòt pwoblèm sante avan yo vin pi mal.
Avantaj yo nan plan w lan
Avantaj yo nan plan w lan
Jwenn enfòmasyon sou tout avantaj yo nan plan w lan, soti nan swen vizyon ak dantè rive nan transpò ak sèvis sante adomisil. Ou kapab jwenn plis enfòmasypn tou sou tout sijè sa yo nan manyèl pou manm ou an.
Pwogram dispans oswa revni anplis
Èske w gen yon siplis Medicaid (ki rele tou yon dispans)? Si wi, ebyen ou konnen ke se paske revni mansyèl ou depase limit revni Medicaid la. Si w gen yon siplis/dispans, n ap voye yon lèt ba pou ba w plis detay. N ap fè w konnen ki kote pou voye peman w yo.
Pou jwenn plis enfòmasyon, annik rele nou nan 1-855-456-9126 (TTY: 711).
Apwobasyon pou sèvis yo
Ou bezwen apwobasyon, oswa otorizasyon davans (PA) pou tout sèvis yo, avan w kapab resevwa yo. Nou baze desizyon nou yo sou si sèvis la:
- Nesesè pou sante w
- Gen chans ede w
- Kouvri
Nou la pou n asire ke w resevwa swen ki apwopriye pou ou a. Plan MLTC w la kouvri w pou kèk sèvis medikal ke Medicaid regilye w la pa kouvri. Toudepannde bezwen w yo, sa ka gen ladan l sèvis tankou:
- Fizyo-terapi
- Terapi okipasyonèl
- Swen podyatrik (pye)
- Reyadaptasyon pou pasyan ki pa entène
- Terapi respiratwa (respirasyon)
Swen vizyon ak dantè yo enpòtan pou sante jeneral ou ak byennèt ou. Se poutèt sa ou kouvri pou yon pakèt sèvis pou swen vizyon ak dantè. Pa bliye konsilte regilyèman avèk dantis ou a ansanm ak pwofesyonèl pou swen vizyon w lan. Annik asire w ke w prezante kat Idantite manm ou an pandan chak konsiltasyon.
Jwenn plis enfòmasyon sou swen vizyon ak dantè
Èske w bezwen èd pou jwenn swen? Ekip jesyon swen nou an la pou ou. Jesyonè swen yo se enfimyè ak travayè sosyal ki konprann pwoblèm sante w yo epi ki ede w jwenn swen ki apwopriye a. Yo kapab ede w aprann plis sou sante w, jwenn yon transpò pou ale nan randevou w yo ak plis toujou.
Jwenn plis enfòmasyon sou jesyon swen an
Jesyon maladi kwonik
Gen kèk pwoblèm sante ki mande plis swen. Jesyonè swen nou yo kapab ede w tou jere pwoblèm sante kwonik ou tankou:
- Opresyon
- Maladi bwonch ki kwonik (COPD)
- Ensifizans kadyak konjestif (CHF)
- Maladi nan atè kowonè (CAD)
- Dyabèt
- Dezekilib elektwonik
- Tansyon wo
- VIH
- Septisemi (yon enfeksyon mòtèl)
- Enfeksyon nan vwa irinè (UTI)
Pwogram espesyal yo
Pwogram sa yo kapab ede w viv an sante nan nivo w kapab. Nou gen yon seri pwogram ak sèvis espesyal pou ede w jwenn swen w bezwen an. Ak pou prevni pwoblèm sante alavni.