Yon lòt gwoup oswa founisè bay enfòmasyon yo nan pwochen paj la. Si w pa swete kite sit nou an, chwazi “X” ki nan pati dwat ki nan kwen ki anwo a pou fèmen mesaj sa a. Oswa chwazi “Kontinye” pou ale ann avan.
Ou Gen Kesyon?
Annik rele 1-855-456-9126 (TTY: 711). Nou la pou ou 24 sou 24, 7 jou sou 7.
ALE SOU:
Konprann epi sèvi ak benefis ou yo
Ou gen yon pakèt avantaj swen sante w kapab resevwa nan konfòtablite lakay ou — ak nan kominote lokal ou a. Toudepannde bezwen w yo, yo gen ladan yo yon seri avantaj tankou:
- Sèvis swen sante adomisil
- Jesyon swen
- Gadri sosyal
- Transpò pou w ale nan konsiltasyon kay founisè a
- Ekipman medikal dirab (DME)
- Swen dantè ak swen vizyon
Yo fèt pou w itilize. Kidonk, asire w ke w gen tout enfòmasyon sou yo.
Itilize Pòtay pou Manm ou an
Itilize Pòtay pou Manm ou an
Lè w ap konekte oswa kreye yon kont sou Pòtay pou Manm ou an, ou kapab fè plis bagay avèk plan sante w la, tankou:
- Gade kat idantite manm ou a oswa mande yon nouvo
- Mete detay kontak ou yo ajou
- Jwenn fòmilè ak dokiman
- Konekte avèk ekip jesyon swen w lan
Jwenn founisè
Jwenn founisè
Aprann kòman pou resevwa bonjan kalite swen ak sèvis toupre lakay ou. Nou gen yon rezo espesyalis ki solid kote w kapab fè chwa pami yo. Ou kapab jwenn founisè tankou dantis, odyolojis, optometris ak plis toujou. Zouti rechèch founisè nou an rann li fasil pou jwenn founisè nan rezo nou an.
Konekte avèk yon founisè
Konekte avèk yon founisè
Èske w dwe fè youn nan konsiltasyon anyèl ou yo? Sonje, ou pa bezwen tann se lè w gen yon pwoblèm grav pou w pran yon randevou avèk founisè w la. Lè w konsilte doktè w yo regilyèman, sa kapab ede w rete an sante.
Konsilte atik sa yo pou wè sijè ki pale de swen prevansyon yo:
Patisipe
Èske w vle jwe yon wòl ki pi aktif nan swen sante ou? Oswa w vle ede pwogrè fèt nan kominote w la? Panse rejwenn Komite Konsiltatif pou Manm yo (MAC). Ou kapab pote yon vrè chanjman lè w patisipe.
Pa pèdi avantaj ou yo
Kenbe enfòmasyon w yo ajou
Ou dwe renouvle kouvèti Medicaid Eta New York ou a chak ane pou w kapab konsève avantaj MLTC w yo. Epitou, toujou asire w ke tout enfòmasyon kontak (adrès, nimewo telefòn, elatriye.) ou ban nou yo rete ajou. Sa pèmèt ou konsève avantaj ak sèvis ou yo.
Jwenn enfòmasyon sou sitiyasyon ijans ak sitiyasyon ki pa ijans yo
W ap sèlman bezwen swen ijans lan si w panse sante w ekspoze ak gwo danje. Pami sitiyasyon ijans yo, w ap jwenn:
- Gwo doulè
- Blesi ki grav
- Maladi sibit
- Maladi k ap agrave byen rapid
Liy sipò Sèvis Manm yo ki fonksyone 24 sou 24 la
Si se pa yon ka ijans, men w bezwen konsèy medikal, annik rele nou nan 1-855-456-9126 (TTY: 711). Nou kapab ede w deside si w dwe ale nan sal dijans (ER) oswa nan swen ijans.
Swen ijans
Swen ijan se yon bon opsyon si se pa yon ijans epi ou pa ka al wè PCP w la. Anpil sant ouvri bonè epi rete ouvè byen ta sèt jou pa semèn. Yo ka gen tan datant pi kout pase yon vizit ER.
Konsilte kèk nan atik sa yo pou jwenn plis enfòmasyon sou kòman pou resevwa swen ki apwopriye a nan moman ki apwopriye a:
Rele 911 oswa ale nan lopital ki pi pre w la si w gen yon maladi oswa blesi ki mete lavi w an danje epi w bezwen jwenn èd imedyatman. Nou kouvri transpò nan anbilans yo. Ou kapab ale tou nan nenpòt lopital pou resevwa swen ijans, menm si lopital la pa nan rezo nou an. Annik prezante kat Idantite manm ou an.
Nenpòt ki moman an, ou pa pou kont ou. Nou gen resous pou n ede w nan ka kriz. Ou kapab rele nou nan 1-855-456-9126 (TTY: 711), 24 sou 24, 7 jou sou 7. Ou kapab kontakte tou jesyonè swen w lan pou li kapab ede w nan yon ka ijans si w bezwen sa a.
Si w ap fè fas ak yon kriz sante konpòtmantal, ou kapab rele 988. Sa se nouvo nimewo Liy nasyonal pou Asistans pou Swisid ak Kriz la.
Konnen resous ou yo
Manyèl pou manm yo
Ou kapab resevwa yon kopi papye manyèl pou manm ou an nan yon pakèt lang gratis ti cheri. N ap voye l ba ou nan senk jou apati lè w fè demann lan. Annik rele 1-855-456-9126 (TTY: 711). Oswa vizite paj materyèl ak fòmilè nou an pou w kapab telechaje manyèl la.
Èd nan katye w
Ou bezwen èd pou jwenn resous nan kominote w la? Nou kapab ede w.
Lòt lang ak fòma
Ou bezwen asistans lengwistik? Annik rele 1-855-456-9126 (TTY: 711). Ou kapab resevwa:
- Sèvis entèpretarya gratis pandan nenpòt sèvis oswa pwosesis plent, ansanm ak Langaj Siy Ameriken ak entèpretasyon oral an tan reyèl
- Sèvis entèpretarya nan kad konsiltasyon medikal ou a (asire w ke rele 48 èdtan avan konsiltasyon w lan)
- Enfòmasyon nan yon lòt fòma, tankou odyo, gwo karaktè ak bray
- Dokiman yo nan lòt lang si lang matènèl ou pa Anglè