Yon lòt gwoup oswa founisè bay enfòmasyon yo nan pwochen paj la. Si w pa swete kite sit nou an, chwazi “X” ki nan pati dwat ki nan kwen ki anwo a pou fèmen mesaj sa a. Oswa chwazi “Kontinye” pou ale ann avan.
Kisa yon direktiv alavans ye?
Kisa yon direktiv alavans ye?
Se yon dokiman legal. Li pèmèt doktè w yo konnen ki swen medikal ou bezwen ak swen medikal ou pa bezwen. Epi se pou sèlman lè w pa kapab pale pou tèt ou akoz yon aksidan oswa maladi. Yo rele li yon “direktiv alavans” paske w pran desizyon sa yo byen avan w bezwen swen an. Li kapab gen ladan l enfòmasyon sou:
- Si w vle yo kenbe w an vi gras ak aparèy medikal
- Si w vle bay ògàn ou yo kòm don lè w mouri
Gen de (2) kalite direktiv alavans:
- Pwokirasyon swen sante
- Testaman (ki rele tou yon direktiv enstriksyon)
Se ou menm k ap deside si w vle youn ladan yo oswa toude.
Jwenn plis enfòmasyon sou direktiv alavans yo epi telechaje fòmilè yo
Ou gentan gen yon direktiv alavans?
Nou sijere w:
- Siyen li epi date li
- Konsève yon kopi nan dosye w
- Bay ranplasan swen sante w la yon kopi
- Bay tout founisè yo yon kopi
- Sizanka w ap vin nan lopital la oswa nan sal dijans, mache avèk yon kopi
- Konsève yon kopi nan machin ou (si w gen youn)
Kisa yon pwokirasyon swen sante ye?
Se yon fòmilè legal ki fè w konnen kiyès ki vle jwe wòl ranplasan swen sante w la. Ranplasan w lan se moun ou chwazi pou pran desizyon medikal nan non w lan si w pa kapab rive fè sa akoz yon maladi oswa aksidan. Yo rele moun sa tou reprezantan swen sante w la, pwokirasyon dirab pou swen sante, oswa pwokirasyon medikal. L ap pale nan non w an fonksyon de swen medikal ou bezwen an e an fonksyon de kisa ki plis nan enterè ou. Toudepannde sitiyasyon w lan, sa kapab fèt akoutèm oswa alontèm.
Ou kapab deziyen prèske nenpòt moun ou vle pou jwe wòl ranplasan swen sante w la. W ap deside nan ki nivo w ap ba yo dwa pou yo pran desizyon nan non w. Ou kapab deside tou kilè desizyon sa ap antre anvigè. Li kapab antre anvigè imedyatman. Oubyen sèlman apre yon doktè di w pa kapab deside pou tèt ou.
Kisa yon testaman ye?
Yon testaman (oswa yon direktiv enstriksyon) se yon lòt kalite direktiv alavans. Li endike tout tretman medikal ou ta renmen jwenn yo si w tonbe malad byen grav epi ou pa kapab retabli w, oswa si pa kapab pale pou tèt ou. Li fè doktè w yo konnen ki tretman w vle oswa ki tretman w pa vle. Sa kapab enkli tretman oswa swen w ki ta ka pèmèt ou rete an vi lè pa gen posiblite pou w geri.
Pale avèk founisè w la
Pale avèk founisè w la
Ou kapab pale avèk founisè w la si w bezwen èd oswa si w gen kesyon. N ap ede w jwenn yon founisè k ap respekte direktiv alavans ou an. Si li pa respekte li, ou kapab soumèt yon doleyans.
