Skip to main content
  • Sit founisè a
  • Kontakte nou
    • Aetna Better Health® of New York

    Ki sèvis ki kouvri?

    Aplike oswa renouvle

    Pou manm yo

    Sante ak byennèt

    Swen vizyon ak dantè

    Ki meyè fason pou w pwoteje vizyon w ak sante bouch ou? Konsilte dantis ou a ak doktè je w la règilyèman. Nou founi avantaj pou swen dantè ak vizyon pou n kapab kontinye kouvri w.

    Avantaj pou swen vizyon

    Avantaj pou swen vizyon

    Asire w ke w pwoteje vizyon w gras ak konsiltasyon regilye yo. Sa pèmèt doktè je w la gen plis chans pou l trete pwoblèm je w yo avan yo vin pi mal. Sèvis swen vizyon w kouvri gras ak EyeQuest. Kouvèti la gen ladan l:

     

    • Konsiltasyon pou verifye vizyon w ak sante je w chak 2 lane
    • Linèt yon fwa chak 2 lane

    Konekte w oswa enskri sou pòtay wèb EyeQuest la pou w kapab jere avanta pou swen vizyon w yo.

    Ou kapab jwenn yon pwofesyonèl pou swen je:

     

    Sou entènèt la

    Jwenn yon pwofesyonèl pou swen je toupre ou

    Pa telefòn

    Annik rele EyeQuest nan 1-855-873-1282. Ou kapab kontakte yo Lendi jiska Vandredi, soti 8 AM rive 8 PM. Oswa rele Sèvis pou Manm yo nan 1-855-456-9126 (TTY: 711). Nou la pou ou 24 sou 24, 7 jou sou 7. 

    Avantaj pou swen dantè

    Avantaj pou swen dantè

    Sante bouch ou gen yon lyen pwòch ak sante jeneral ou. Kidonk asire w ke w konsilte dantis ou a omwen yon fwa pa ane. Sa kapab ede anpeche kèlkeswa pwoblèm nan vin pi grav.  

     

    Yo jere swen dantè ak swen sante bouch ou atravè LIBERTY Dental Plan. Kouvèti la gen ladan l:

     

    • 1 egzamen ak netwayaj chak 6 mwa
    • Radyografi Dyagnostik
    • Plonbaj 

     

    Epi, si li nesesè pou rezon medikal, kouvèti la gen ladan l tou:

     

    • operasyon nan bouch
    • Kanal radikilè
    • Kouwòn
    • Fo dan
    • Enplantasyon

     

    Ou pral bezwen otorizasyon davans pou sèvis sa yo. Epi pou w kapab konsilte yon pwofesyonèl espesyal pou sante bouch, w ap bezwen jwenn yon referans nan men yon dantis regilye. 

    Ou kapab jwenn yon dantis:  

     

    Sou entènèt la

    Jwenn yon pwofesyonèl pou swen dantè toupre ou. 

    Pa telefòn

    Rele LIBERTY Dental Plan nan 1-855-225-1727 (TTY: 1-877-855-8039). Ou kapab kontakte yo Lendi jiska Vandredi, 8 AM rive 8 PM. Ou kapab rele tou Sèvis pou Manm yo nan 1-855-456-9126 (TTY: 711). Nou la pou ou 24 sou 24, 7 jou sou 7.

    Èd pou ijans swen dantè

    Èd pou ijans swen dantè

    Annik rele dantis ou a. Si w pa gen youn, ou kapab chèche yon dantis ki toupre w. 

     

    Si se yon ijans swen dantè, ou kapab konsilte nenpòt dantis. Pou w kapab jwenn yon dantis, annik rele LIBERTY Dental Plan nan 1-855-225-1727 (TTY: 1-877-855-8039). Si se yon ijans medikal oswa lavi w an danje, rele 911 oswa ale nan sal dijans lan.

    Li Plis Li Mwens

    Tip ijans swen dantè yo

     

    Men kèk egzanp: 
     

    • Gwo doulè oswa enfeksyon ki lakoz anflamasyon
    • Senyman ki pa ka kontwole
    • Twomatis nan bouch (pa egzanp: frakti nan machwè, zo vizaj ak/oswa mandibil ki dejwente)

    Ou Gen Kesyon? 

    Annik rele Sèvis pou Manm yo nan 1-855-456-9126 (TTY: 711). Nou la pou ou 24 sou 24, 7 jou sou 7.  

    Enteresan tou: