Skip to main content
  • Sit founisè a
  • Kontakte nou
    • Aetna Better Health® of New York

    Ki sèvis ki kouvri?

    Aplike oswa renouvle

    Pou manm yo

    Sante ak byennèt

    Sa pou w konnen konsènan COVID-19

    Pandan sitiyasyon COVID-19 la ap chanje, nou vle asire n ke w resevwa swen w bezwen an, lè w bezwen sa a. Nan paj sa a, ou kapab jwenn plis enfòmasyon sou viris la, ansanm ak konsèy pou ede w rete an sante nan nivo sa posib. Ou kapab konnen tou ki kote pou pran vaksen kont COVID-19 la. 

    Enfòmasyon sou vaksen an ak dòz rapèl yo
     

    Si w pot ko pran vaksen an, w ap gen pou pran l, menm si ou:

     

    Ou gentan pran vaksen an? Sant pou Kontwòl ak Prevansyon Maladi a (CDC) endike ke w dwe rete ajou avèk dòz rapèl ou yo. Dòz rapèl yo se vaksen adisyonèl ou pran kont menm maladi a. Yo ede w rete pwoteje ofiramezi.

    Pale avèk founisè w la sou kilè pou pran yon dòz rapèl. Direktiv pou dòz rapèl yo baze sou tranch laj ou ak lè w te pran dènye dòz ou a. Si w gen yon sistèm iminitè ki fèb, ou ka gen plizyè direktiv diferan.
     

    Pran vaksen w lan

    Kesyon ak repons ki gen rapò ak vaksen an

     

    Èske vaksen kont COVID-19 yo ansanm ak dòz rapèl yo san danje?

     

    Administrasyon Manje ak Medikaman Etazini an te apwouve vaksen kont COVID-19 yo ak dòz rapèl yo. Yo te pwouve yo san danje epi yo efikas.

     

    Ki kote pou m pran vaksen m nan ak dòz rapèl yo?
     

    Ou kapab ale sou sitwèb CDC a pou w konnen ki kote pou w ale. Depi w fin jwenn yon kote, pran yon randevou.
     

    Pran piki w la

    Kesyon ak repons ki gen rapò ak COVID-19

    Men kèk kesyon ak repons ki komen konsènan COVID-19. 

     

    Nou fye enfòmasyon ki soti nan:

     

    Enfòmasyon sa yo pa ranplase konsèy, dyagnostik oswa tretman founisè w la. Toujou diskite avèk founisè w la oswa ekip jesyon swen w lan konsènan kesyon w genyen yo.

    Li Mwens

    Yon kowonaviris lakoz COVID-19, yon maladi ki afekte poumon w. Ou kapab vizite CDC pou jwenn plis enfòmasyon.  

    Sentòm COVID-19 yo kapab se:

     

    • Souf kout

    • Lafyèv 

    • Tous

    • Difikilte pou respire 

     

    ka ki pi grav yo nan viris la kapab lakoz:

     

    • Nemoni

    • Sendwòm detrès respiratwa egi

    • Ensifizans renal 

     

    Ou gen yon risk ki pi elve pou trape viris la si ou:

     

    • Gen maladi kè oswa maladi poumon

    • Gen yon sistèm iminitè ki afebli

    • Se yon tibebe oswa yon adilt ki pi aje

    Li kapab pwopaje nan lè a lè moun touse oswa estène. Li kapab pwopaje tou atravè kontak sere, de yon moun a yon lòt.

     

    Nan kèk ka, yon moun ka trape COVID-19 lè li touche yon sifas ki gen viris la sou li. Apresa, l al touche je li, nen li oswa bouch li avèk men l.

     

    Jwenn plis enfòmasyon sou kòman COVID-19 la pwopaje

    Ou kapab diminye sou risk pou w trape viris la. Men kèk konsèy:

     

    • Pran vaksen kont COVID-19 la.
    • Rete ajou avèk dòz rapèl ou yo depi w fin vaksinen.
    • Lave men w souvan avèk savon ak dlo pandan omwen 20 segonn.
    • Kenbe distans sis pye pa rapò ak moun ki pap viv lakay ou.
    • Evite touche je w, nen w oswa bouch ou avèk men w san lave.
    • Evite kontak sere avèk moun ki malad.
    • Rete lakay ou si w malad oswa w gen sentòm tankou grip.

    Pifò moun ki gen sentòm ki pa grav yo geri pou kont yo. Konsèy sa yo kapab ede w apeze sentm ou yo si w malad lejèman:

     

    • Pran medikaman pou doulè ak fyèv. Mande famasyen w lan kòman sa kapab afekte lòt medikaman w ap pran yo.
    • Itilize yon imidikatè oswa pran yon douch cho.
    • Bwè anpil dlo.
    • Rete lakay ou epi repoze w.

    Non, piki sa yo pa diminye sou risk pou w trape COVID-19 la. Se sèlman vaksen kont COVID-19 yo ak dòz rapèl yo ke yo te pwouve ki ede diminye sou risk pou trape maladi sa a. W ap gen pou pran piki pou lòt enfeksyon nan poumon, tankou grip, nemoni ak koklich. Ou dwe fè si w gen:

     

    • Sistèm iminitè ki afebli

    • Yon maladi ki pi grav

    • Yon antesedan kote w konn pran piki pou ede w fè prevansyon kont maladi

    Sant pou Kontwòl ak Prevansyon Maladi yo (CDC) rekòmande pou fè tès pou nenpòt moun ki:

     

    Fè tès pou COVID-19

    Ou kapab fè tès pou COVID-19 nan sit kote yo fè tès yo ki nan kominote a. Si w pa prezante sentòm, annik kontake founisè w la dabò. Moun ki gen risk ki elve pou yo gen viris la dwe fè tès avan nenpòt lòt moun. Sa gen ladan l:

    • Travayè nan domèn swen sante yo
    • Premye entèvenan yo
    • Moun k ap viv an gwoup yo
    • Adilt ki pi aje yo
    • Nenpòt moun ki te gen kontak sere avèk yon moun ki te teste pozitif pou COVID-19

    Chak sit kote yo fè tès fonksyone selon yon orè epi yo gen sèten règleman. Asire w ke w verifye avèk sit la avan w ale ladan l, pwiske yo ka refize w.

    Fè tès pou COVID-19

    Sipò adisyonèl

     

    Nou konnen w ka petèt gen anpil kesyon. Men kèk lòt fason w kapab jwenn sipò pandan COVID-19 la. 

    Pran mezi pou evite eskwokri ki lye ak COVID-19 yo. Pa reponn si w resevwa yon apèl, mesaj tèks oswa yon imèl ki pale de tès pou COVID-19 ki “gratis”. Epi pa janm bay nimewo kat manm ou a ni enfòmasyon pèsonèl ou. Pou rapòte nenpòt eskwokri, ou kapab:

     

    Alèd de sèvis telesante yo, ou kapab resevwa swen nan konfò ak sekirite lakay ou. Rankontre avèk yon founisè nan apèl videyo oswa apèl telefòn san w pa peye kotizasyon. Si founisè w la pa founi sèvis sa yo, nou kapab ede w jwenn youn ki founi yo. Annik rele nou nan 1-855-456-9126 (TTY: 711).

     

    Ou kapab toujou resevwa swen woutin pandan COVID-19 la. Men kòman: 

     

    • Rele avan w ale nan biwo yon founisè.

      W ap gen pou rele PCP w la oswa yon lòt founisè swen sante avan w ale. Y ap pataje enfòmasyon sou kòman y ap trete pasyan yo pandan COVID-19 la. Ou kapab verifye tou avèk founisè w la pou wè si li founi sèvis telesante yo.

    • Jwenn repons pou kesyon w nenpòt lè. 

      Ou bezwen yon repons rapid pou yon kesyon sou sante? Oubyen w pa ka tann pou konsilte doktè w la? Annik rele nou nan 1-855-242-0802 (TTY: 711) nenpòt lè. Nou kapab konekte w avèk yon enfimyè 24 sou 24, 7 jou 7.  

    • Jwenn èd pou yon ijans swen dantè.
      Si biwo founisè w la fèmen oswa w pa gen yon founisè, ou kapab rele LIBERTY Dental nan 1-855-225-1727 (TTY: 1-877-855-8039). Y ap ede w jwenn yon founisè. Si w pa nan vil la epi bezwen jwenn swen dantè ann ijans, ou kapab konsilte nenpòt dantis pou swen an. Ou pa bezwen yon referans oswa yon apwobasyon davans pou w kapab jwenn swen dantè ann ijans.

    • Konnen kilè pou ale nan sal dijans (ER) olye de swen ijans.

      Si w gen yon ijans, rele911 oswa ale nan lopital ki pi pre w la. Si se pa yon ijans, men w bezwen yon konsèy medikal, rele nou nan1-855-456-9126 (TTY: 711). Nou la pou ou 24 sou 24, 7 jou sou 7.

    Yon enfimyè kapab ede w deside si w dwe ale nan sal dijans (ER) oswa nan swen ijans. Ou kapab jwenn plis enfòmasyon sou kòman pou resevwa swen ki apwopriyue a nan moman ki apwopriye a.

    Men kèk lyen pou ede w jwenn plis enfòmasyon sou COVID-19:

     

    Enteresan tou: